Яна бир бор халқаро эътироф!

Ассоциация раиси Гулнора Маҳмудованинг IFC Халқаро молия корпорациясининг озиқ-овқат хавфсизлиги бўйича 11-форумидаги “Озиқ-овқат тизимларида аёлларнинг етакчилиги” номли маърузаси халқаро экспертлар томонидан илиқ кутиб олинди. “Ҳурматли Гулнора Маҳмудова, нуфузли форумда қатнашишга розилик берганингиз, пухта тайёргарлик кўрганингиз, очиқ ва чуқур мазмунли фикрларингиз учун катта раҳмат. Инклюзив иш ўринлари ва қишлоқ хўжалигидаги қўшимча қиймат занжирларини яратиш бўйича машаққатли меҳнатингиз бизни чинакамига илҳомлантирди”, — дейилади нуфузли ташкилотнинг миннатдорлик мурожаатида.