Аёллар тадбиркорлигига кенг йўл

“Тадбиркор аёл” халқаро ишбилармон аёллар ассоциацияси ҳамда Швейцария элчихонаси билан ҳамкорликда амалга оширилган «Хотин-қизларнинг ҳуқуқий саводхонлигини ошириш ҳамда уларга ўз бизнес ва стартапларини бошлашда ҳуқуқий ёрдам кўрсатиш» лойиҳаси бўйича ўқув семинарлари республикамизнинг барча вилоятларида кўтаринки кайфиятда ташкил этилди.

Иштирокчиларга Ўзбекистонда кичик  ва ўрта бизнесни ривожланиши хақида маълумот берилиб, тадбиркорликни бошлаш учун керак бўладиган кўникмалар ва шахсий тавсифларни аниқлаш, бизнес ғоя ва унинг  концепцияси ҳақида тушунча  бериш, маркетинг ва унинг сегментлари хамда мененджмент йўналишида билимларини ошириш, тадбиркорликнинг хуқукий асослари билан таништириш, бизнес – режа тузиш ҳамда банк кредитларини олиш йўллари ва қайтариш борасида барча керакли тавсилар тақдим этилди.

Семинар интерактив методикаси асосида ўтказилиб, якка тартибда ишлаш, мини лекция, слайдлар орқали, ақлий хужум, ролли ўйинлар ва савол-жавоблар тарзида ўтказилди.